Поранешниот премиер на Пакистан, Имран Кан, застрелан е со огнено оружје во ногата додека присуствувал на протестен марш во источниот град Визарабад.
Од политичката партија на Кан велат дека во пукотницата се повредени четири лица, но дека нема загинати.
Експремиерот Кан бил погоден во ногата и негов соработник кажал дека не е во животна опасност.
Напаѓачот наводно е уапсен.
– Тоа беше обид да го убијат, обид за атентат – изјавил Рауф Хасан, висок функционер од ПТИ.
Седумдесетгодишниот Кан предводеше марш кон главниот град Исламабад со цел да бара вонредни избори.
