Изабел Аџани, легендата на францускиот филм и една од најубавите жени на своето време, ретко се појавува во јавноста, но со години не го пропушта Филмскиот фестивал во Кан, па оваа година прошета на црвениот тепих во овој монденски град.
Таа пред неколку дена пристигна на премиерата на филмот „Forever Young“ во елегантно издание, покажувајќи дека и на 66-годишна возраст плени со посебна харизма и сексапил.
Имено, познатата дива, која пред неколку години беше прогласена за најубава жена на филмското платно од страна на престижниот магазин „LA Times“ во филмот „Кралицата Марго“, проговорила за Ким Кардашијан и современата култура којашто оваа ријалити-ѕвезда ја претставува.
– Ако Ким Кардашијан е икона, тогаш јас сум англиската кралица“, саркастично рече Аџани.
„Ако Ким Кардашијан е икона, би сакала да бидам подобар социолог и семиолог за да ги испитам овие феномени на влијателните луѓе и инфлуенсерите, како и целата нарцисоидна филозофија на социјалните мрежи, кои постојано се фокусирани на бројот на следбеници… Ако Ким Кардашијан е икона, парите навистина станаа Бог“, додала Аџани за „Фигаро“.
ФОТО: Инстаграм
