Украински проектил С-300, наводно, паднал на територијата на Белорусија, објави државната новинска агенција БелТА, пренесува Скај Њуз. Министерството за одбрана на Белорусија истражува дали системите за противвоздушна одбрана на Белорусија ја собориле ракетата или таа не ја погодила целта. Белорускиот претседател Александар Лукашенко е информиран за инцидентот.
Руската државна новинска агенција ТАСС исто така јави дека во Белорусија паднал проектил, додавајќи дека во инцидентот нема жртви. Руските медиуми велат дека се работи за областа Брест и градот Иваново каде паднал проектилот.
Украина засега не го коментираше ваквото тврдење.
