Мајката на Ник Кирјос, Нил, верува дека пласманот на Австралиецот во финалето на Вимблдон се должи на новиот пристап кон слободното време.
– Ни беше многу тешко да го однесеме некаде. Со задоволство седеше во собата и постојано играше видео игри. Рамото го болеше од тоа колку играше. Во Пекинг сакавме да дојде со нас да го види Кинескиот ѕид. Кој би го одбил тоа? Но, Ник не отиде. Со задоволство седна во собата и нарача храна, тоа ми пречеше. Се сеќавам дека во Канада му понудивме да одиме на Нијагарините водопади. Тој не сакаше да оди дури ни таму. Патував сама со туристички автобус. Ник не сакаше – изјави Нил.
Таа не можела да дојде во Лондон поради здравствени проблеми, но го следела напредокот на нејзиниот син.
– Конечно ја цени својата позиција и тоа е најдоброто нешто. Има промени, гледам во неговите сториња што ги објавува. Сигурно првпат го посетил Биг Бен за цело време додека беше во Лондон. По Австралија опен оваа година, тој почна да прави нешто. Сега сфаќа дека животот не се врти околу тенисот. Никој не очекува од него да биде таков. Треба да уживате во животот. Многу ми е драго што го прави ова сега – потенцира мајката на австралискиот тенисер.
Ник Кирјос денеска од 15 часот ќе се соочи со Новак Ѓоковиќ во финалето на Грен слемот Вимблдон.
