Кошаркарот на Кливленд, Донован Мичел го одигра својот животен натпревар во победата на Кавс со продолженијата против Чикаго 145:134.
26-годишниот чувар, кој беше трејдуван од Јута во клубот од Охајо во септември, постави врв во кариерата со 71 поен (22/34 голови од поле, 7/15 тројки, 20/25 слободни фрлања) со 8 скока и 11 асистира 50 минути на теренот.
Кавси се четврти на Истокот со скор 24-14.
Во 2017 година, Мичел беше 13-ти пик на Денвер на драфтот, но веднаш беше разменет во Јута, каде беше убедливо најдобар играч во изминатите пет сезони.
Играчот на Кавс стана само седмиот играч во историјата на НБА кој постигнал повеќе од 70 поени на еден натпревар.
Рекордот, кој тешко ќе се собори, го држи Вилт Чемберлејн, кој на 2 март 1962 година постигна неверојатни 100 поени во победата на Филаделфија над Њујорк од 169:147. Легендарниот центар држи четири од првите пет места на вечната листа – со 78, двапати со 73 и 72 поени, додека на второто место е Коби Брајант.
На 22 јануари 2006 година, поранешната ѕвезда на Лос Анџелес Лејкерс постигна 81 поен во победата на неговиот тим над Торонто од 122:104.
Повеќе од 70 поени постигнаа Дејвид Томпсон (73), Елгин Бејлор (71), Дејвид Робинсон (71) и Девин Букер (70).
