Епидемиологот Предраг Кон, член на Републичкиот кризен штаб за борба против Ковид-19, рече дека наесен може да се разгледа препораката за петтата доза од вакцината.
„Тоа зависи од Националниот комитет за имунизација, кој треба да го следи. Дури ни Израел, кој е пред сите останати, се уште не ја спомна петтата доза како нешто што ќе им се дава на граѓаните, а тука секако ќе оди побавно отколку во Израел. Но, тоа ќе биде на дневен ред наесен“, изјави Кон за Курир.
Тој изјави дека поради заразноста на сегашните варијанти на коронавирусот, практично ќе се бара вакцинација на секои три месеци, но дека „далеку пореално е да се обновуваат бустерите еднаш годишно, но не за секого“.
Зборувајќи за бројот на заразени во Србија, Кон оцени дека не треба да чуди ако има петцифрен број случаи, нагласувајќи дека моментално е туристичка сезона, а кога станува збор за септември и почетокот на учебна година, објасни дека учениците нема да имаат проблеми доколку клиничката слика биде како досега.
