Руската војска соопшти дека ја презела контролата врз целата област Керсон во јужна Украина.Во тој црноморски регион живеат околу милион луѓе. Тврдењето не беше потврдено од украинската страна. Русија веќе ја презеде контролата над регионалниот главен град Керсон.
Претходно, украинскиот претседател Володимир Зеленски предупреди дека Русија сака да формира „Народна Република Керсон“, слична на „Народните републики“ во Доњецк и Луганск во источна Украина, кои Москва ги призна како независни непосредно пред почетокот на војната.
Во дневниот извештај во вторникот, руското Министерство за одбрана соопшти дека уништило уште десетици украински воени објекти.
Ова вклучува три хангари за борбени авиони и хеликоптери во близина на градот Краматорск во Доњецк.
Наводно се уништени околу 16 воздушни цели, вклучувајќи борбени авиони Су-24 и Су-25 и 13 беспилотни летала.
