Градоначалникот на Сарај, Блерим Беџети и пратеникот Изет Меџити, кои се дел од членовите на ДУИ кои бараат промени во партијата, викендов се сретнале со независниот пратеник Кастриот Реџепи, за што споделија фотографија на Фејсбук со хаштаг „заедно“.
Меџити денеска за телевизија 21 изјави дека Кастриот Реџепи ќе се приклучи кон пратеничката група на ДУИ во Собранието.
– Една фотографија е еднаква на 1 000 збора. Пораката е јасна. Да, ќе дејствува со пратеничката група на ДУИ – изјавил Меџити.
Пратеникот Кастриот Реџепи за некои медиуми изјавил дека ќе биде достапен по четврток. Тој досега функционираше како независен пратеник во Собранието, по исклучувањето од Движењето Беса.
