Истекол повеќе од половина од гасот во двете цевки Северен тек 1 и 2 во водите на Балтичкото Море, пренесува Ројтерс. Според шефот на данската агенција за енергија, Кристофер Бокау, до крајот на неделата ќе истече целиот гас. Тоа се, според вчерашната изјава на портпаролот на Кремљ, Дмитриј Песков, 300 милиони кубни метри.
Пукањето на цевките на четири места направи Русија и Западот меѓусебно да се обвинуваат за, како што се вели, саботажа во системот. Европската Унија најави соодветен одговор.
Меѓу другото, истекувањето на метан може да предизвика еколошка катастрофа и забрзување на климатските промени во светот, како што веќе пишуваше Плусинфо.
