Американската администрација утврди дека престолонаследникот на Саудиска Арабија, Мохамед бин Салман, има правен имунитет од тужбата поднесена против него за убиството на саудискиот новинар Џамал Кашоги во 2018 година.Во документ доставен до Окружниот суд на округот Колумбија, американското Министерство за правда напиша дека доктрината за имунитет на шефовите на држави се заснова на обичајното меѓународно право, така што обвинетиот бин Салман како шеф на странска држава , ужива имунитет од јурисдикцијата на американските судови.
Кашоги беше убиен и распарчен од саудиски агенти во саудискиот конзулат во Истанбул во операција за која американските разузнавачи веруваа дека е нарачана од принцот Мохамед, кој е „де факто“ владетел на кралството веќе неколку години, пишува Ројтерс.
Принцот негираше дека го наредил убиството на Кашоги, но подоцна рече дека ја преземал одговорноста бидејќи тоа „се случило под негов надзор“.
Во јули, за време на неговата посета на Саудиска Арабија, американскиот претседател Џо Бајден му кажа на принцот дека го смета за одговорен за убиството на Кашоги.
Кашоги ја критикуваше политиката на престолонаследникот во колумните на Вашингтон пост. Тој отпатувал во саудискиот конзулат во Истанбул за да ги добие документите што му биле потребни за да се омажи за Хатиџе Џенгиз, турска државјанка, потсетува Ројтерс.
Ченгиз ја осуди оваа постапка на Твитер, велејќи дека „Џамал денеска повторно умре“.
„Мислевме дека можеби светлината на правдата може да дојде од САД, но повторно парите беа на прво место“, додаде таа.
