Готвачот Рас Адамс од Вашингтон на социјалната мрежа Quora дознал зошто на посетителите им се даваат пецива, ѓевреци или леб пред специфична храна во рестораните, а всушност е многу логично. Свое мислење го споделија и некои други корисници.
„Прво, овие печива ќе ве направат жедни. Жедните луѓе потоа нарачуваат повеќе пијалоци, што значи подобра заработка. Второ, лебот или нешто слично го стимулира варењето и ве прави уште погладни. Токму затоа се случува луѓето да нарачаат повеќе отколку што можат да јадат, а подоцна да кажат дека се урнале. Последната причина е што кога луѓето во рестораните имаат занимање, кое во случајов е јадење леб, тогаш не им е досадно и не бараат постојано келнери“, напиша Адамс.
Ова прашање има над 100 одговори и Адамс го прегледал над 113.000 пати. Еве уште неколку објаснувања.
„Се согласувам дека кога ќе добиете нешто, дефинитивно ќе го запомните и повторно ќе се вратите во истиот ресторан. Можеби ќе оставите и поголем бакшиш“, напиша еден корисник.
Џо Колела, кој порано беше сопственик на ресторанот, исто така се огласи и го сподели своето искуство. „Повеќето луѓе премногу размислуваат за одговорот. Единствената причина зошто на луѓето им дававме леб пред главното јадење беше да ја успориме самата нарачка, односно готвачите да имаат време да подготват сè. Келнерот ќе прима нарачки од луѓето по редоследот по кој пристигнале, а додека чекаат ќе им дава леб на посетителите. Да заклучиме, ова нема никаква врска со тоа што келнерите се добри и љубезни и сакаат да ви подарат леб, туку едноставно го користат овој трик за себе“, пишува Вечерњи лист.
