Иако некои ги сметаат печурките за зеленчук, тие се посебно царство на живи организми. Некои се отровни, а некои се исклучително здрави. Зошто печурките се толку здрави и зошто треба почесто да ги консумирате?
Хранливи својства на печурките
Печурките содржат многу малку холестерол и практично немаат масти или натриум во својот состав. Тие содржат витамин Д комплекс и на тој начин ослободуваат енергија од мастите, протеините и јаглехидратите во храната.
Некои видови печурки го стимулираат имунолошкиот систем и се добри во борбата против ракот. Линолеинската киселина во печурките игра улога во спречување на рак на дојка и простата.
Дијабетичарите можат да консумираат и печурки бидејќи не содржат масти и го поттикнуваат нормалното функционирање на црниот дроб, панкреасот и ендокрините жлезди. Тие содржат природен инсулин и ензими кои помагаат да се намали шеќерот во крвта.
За вегетаријанците е исклучително важно често да консумираат печурки бидејќи тие се најголемиот извор на неопходни состојки кои ги нема во овошјето и зеленчукот.
Несакани ефекти
Сепак, треба да се внимава со конзумирањето печурки бидејќи прекумерната количина може да предизвика мачнина, вртоглавица или тешки грчеви во стомакот кај чувствителните луѓе.
Се разбира, печурките секогаш треба да се купуваат од сигурни добавувачи. Исто така, доколку не сте сигурни дали некои печурки се јадливи, подобро да не ги допирате кога ќе ги видите некаде во природа, пренесува N1 Загреб.
