Едно лице загина во поплавите на грчкиот остров Крит, а уште две се водат како исчезнати, соопшти противпожарната служба.
Пожарникарите изјавија дека утрово за само еден час примиле повеќе од 450 повици и додадоа дека едно лице е полесно повредено, кое било заглавено во своето возило кога почнал да врне пороен дожд.
Службата додаде дека биле спасени осум туристи и еден чувар на археолошкиот музеј на Крит.
Сите популарни места за пешачење за туристите се затворени до дополнително известување.
Локалните медиуми јавија дека е причинета материјална штета во некои села каде што се поплавени улиците.
Цивилната заштита побара од граѓаните да бидат внимателни во недела на Крит и околните острови.
