Едно лице загина, а околу 40 се повредени при судир на два воза во близина на Минхен, Германија.
Според локалните медиуми, дел од повредените се со тешки телесни повреди, додека возачот е заробен на местото на несреќата.
Несреќата се случила во 16:40 часот по локално време откако два воза „S-ban“ се судрија во близина на Шафтларн во близина на Минхен. Едниот се движел кон Минхен, а другиот кон Волфрацхаузен во Баварија.
Итните служби се на терен, а железницата е затворена за сообраќај. Не е јасно што го предизвикало судирот.
Очевидци известија дека еден од возовите застанал на пругата непосредно пред инцидентот и дека судирот се случил набргу откако еден воз ја напуштил станицата Ебенхаузен, на десетина километри од Минхен.
Од силината на ударот патниците биле исфрлени од седиштата.
