Египетските власти затворија дел од брегот на Црвеното Море, по напад на ајкула во кој загина Австријка која пливала во близина на Хургада.
Шеесет и осумгодишна жена која ги загуби ногата и раката во напад на ајкула почина набргу откако беше пренесена во приватна болница во Хургада, изјави неименуван египетски здравствен претставник. Тој рече дека таа едвај била жива кога пристигнала и дека лекарите не можеле да ја реанимираат.
Според внатрешните документи од канцеларијата на гувернерот на провинцијата Црвеното Море, кои ги видела АП, властите ќе го затворат брегот на три дена и ќе ги забранат сите поморски активности, вклучително и нуркање, сурфање на ветер и китинг, како и приближувањето на рибарските чамци.
На видеото кое е објавено на интернет се гледа напад на ајкула релативно блиску до брегот. Може да се види и како водата околу нападнатата жена поцрвенува од крв, додека луѓето на блиското пристаниште фрлаат спасувачка опрема кон неа.
