Од МВР ја потврдија информацијата дека хрватскиот ракометар од тимот на Бутел, Денис Тот, бил брутално претепан во скопскиот ноќен клуб „Привилиџ“
– На 07.04 во 4 часот изутрина во СВР Скопје е пријавено дека во комплексот клиники Мајка Тереза, било донесено лицето во бесознание. Се работи на расчистување на случајот – ни соопштија од МВР.
Тот е примен во клиниката во Скопје со тешки повреди по целото тело. Од РК Бутел уште доцна синоќа ја потврдија информацијата дека се наоѓа во критична ситуација, иако без детали околу тоа што точно се случило со 27-годишниот Тот.
Неговиот брат Борис, за хрватските медиуми потврди дека Денис е во бесознание.
– Нашите родители се на пат за Скопје, но немаме премногу информации што точно се случило. Ќе знаеме многу повеќе во текот на денот – изјави Борис Тот.
