Со високи тонови и емоции пејачката Ребека ја испеа македонската химна и со тоа ја отвори конференцијата „Јас сум жена“, посветнена на професионалното осознавање на жените во Македонија. Изведбата на еден ваков модерен настан, ги изненади присутните и тие запеаја со неа.
Еве како тоа изгледаше:
Настанот „Јас сум жена“, кој допрва почнува има заа цел осознавање на положбата на жената во сите професионални области преку дискусија за предизвиците и проблемите со кои секојдневно се соочува една жена во Македонија.
Збор ќе земат 15 исклучително реализирани македонски жени, во 4 панел дискусии каде ќе го пренесат своето знаење, искуство и ќе понудат идејни решенија за поголема интеграција и еманципација на секоја жена во Македонија.
На вебсајтот на „Јас сум жена“ целите се поделени под четири целини.
Македонските и кариерните стереотипи
Македонски жени кои храбро ги рушат кариерните стереотипи и секојдневно се борат со карактеристиките и улогите утврдени и ограничени според нивниот пол.
Македонки во светот
Македонски жени во светот кои изградиле успешни кариери надвор од Македонија, подготвени да го споделат своето искуство за подобрување на системот во Македонија.
Македонки во бизнис и мултумедија
Македонски жени кои ги следат и имплементираат најновите техички, дигитални и комуникациски светски трендови, сопственички на бизнис и лидерки во мултимедијалниот сектор.
Македонки креатори на политики
Македонски жени, креаторки на стратегии, носителки на одлуки, лидерки на државни, јавни функции во Македонија.
