Телата на две сестри тинејџерки беа пронајдени обесени на дрво во северната индиска држава Утар Прадеш, соопшти полицијата во четвртокот, сомневајќи се дека тие биле силувани пред бесењето.
Полицискиот службеник Сањев Суман изјави дека се идентификувани и приведени шестмина обвинети.
„Двајцата обвинети ги намамиле девојките на фармата и ги силувале“, рекол Суман.
Малолетниците припаѓале на кастата Далит, која е на дното на длабоко дискриминаторската хинду хиерархија.
Далит или „недопирлив“ слој на општеството е на дното на системот на хинду касти.
Постојат закони за заштита на Далитите, но злосторствата врз маргинализираната заедница не се намалени.
Далитите често се исфрлани, што доведува до сегрегација и прогонство од горните касти.
Според претходното полициско соопштение, две сестри тинејџерки во средата попладне биле пронајдени обесени на дрво во поле со шеќерна трска лоцирано на неколку милји од нивниот дом во областа Лахимпур Кери.
Семејството на девојчињата тврди дека биле киднапирани и убиени од тројца млади момчиња од соседното село.
Озлогласена по насилството врз жените и Далитите, Утар Прадеш е најнаселената држава во земјата со повеќе од 200 милиони луѓе.
