Поранешната претседателка на Врховниот суд на Црна Гора, Весна Меденица се обидела да се самоубие во Клиничкиот центар во Подгорица, дознава „Вијести“.Според „Вијести“, Меденица се обидела да се самоповреди со стакло. Истите извори велат дека таа е надвор од животна опасност.
Раните што си ги нанела Меденица се површни гребаници, дознава „Вијести“.
Според неофицијални информации на „Вијести“, затворската полиција вечерва нешто пред 23 часот ја спроведе Меденица до тоалетот, по што таа се заклучила во таа просторија и го скршила огледалото.
Истиот извор вели дека, откако го слушнал упадот, вратата од тоалетот била скршена од работник од обезбедувањето на КЦЦГ, кој ја спасил и Меденица, спречувајќи самата да си нанесе сериозни расекотини.
На Меденица денеска со решение на истражната судијка на Вишиот суд, Сузана Мугоша и е одредена мерка притвор до 30 дена.
Специјалното државно обвинителство (СДТ) се сомнева дека сторила две кривични дела – создавање криминална организација и противзаконско влијание.
