Поранешниот бугарски репрезентативец Станислав Ангелов ја коментираше победата на Бугарија над Северна Македонија од 1:0 во Лигата на нации. Поранешниот фудбалер на Левски и ЦСКА го прекори исвиркувањето на бугарската химна од македонските навивачи.
– Мене лично не ми е јасно како Македонците можеа да ја исвиркуваат химната на своите баби и дедовци? Целата работа е чудна, но пропагандата е многу силна – изјави Ангелов.
Во истиот текст во која е спомената изјавата на поранешниот фудбалер, авторот искажува чудење и зошто Македонците толку силни пееле при споменувањето на Гоце Делчев и Питу Гули при пеењето на химната, со оглед што двајцата биле, според нив, бугарски херои.
