Бостон Селтикс синоќа беа на чекор од финалето на НБА, откако во петтиот натпревар од полуфиналето на Источната конференција го совладаа Мајами Хит со 93-80 и поведоа со 3-2 во серијата до четири победи.
Селтикси до победата ги предводеше Џејлен Браун со 25 поени, Џејсон Тејтум додаде 22 со 12 скока и девет асистенции. Ал Хорфорд постигна 16 поени, додаде седум скока и пет асистенции.
Следниот натпревар за Хорфорд ќе биде 140. плејоф натпревар. Досега, ниту еден играч нема одиграно толку многу натпревари во плејофот без да се квалификува во финалето, а Хорфорд можеби е првиот што ќе го стори тоа на шестиот натпревар одигран во петокот вечерта во Бостон.
Во редовите на Мајами, кој настапи без повредениот Тајлер Херо, најдобар беше Бам Адебајо со 18 прекини и десет скока, а Гејб Винсент постигна 15 поени.
Мајами имаше пет поени предност на полувремето, но Бостон во вториот дел го смени резултатот со серија од 24:2, зголемувајќи го водството од 59:58 на 83:60.
Бостон Селтикс немаат играно во финалето на НБА од 2010 година. Оттогаш тие играа четири пати во финалињата на Источната конференција во кои подобри од нив беа Мајами и Кливленд.
