„На темата РС Македонија навистина им посакувам успех на колегите во Софија да ја финализираат, за да можеме да кажеме дека француското претседателство направи многу и да биде успешно како што заслужува“.
Вака утринава изјави поранешниот бугарски премиер Бојко Борисов во врска со францускиот предлог, пишува БГНЕС. Партијата ГЕРБ го разгледала прашањето за Македонија, потврди политичарот.
Во текстот на БГНЕС се наведува и дека францускиот предлог се состои од три независни елементи, кои само заедно во една целина можат да одговорат на прашањето дали Македонија е подготвена да ги започне преговорите за членство во ЕУ.
„Народното собрание на Бугарија на 24 јуни гласаше за предлог-резолуција која има за цел да го реши спорот меѓу Софија и Скопје и да го отвори патот за европска интеграција на Република Македонија. Нацрт-одлуката се надоврзува на предлогот на француското претседателство и се надоврзува на него, за да бидат максимално заштитени бугарските интереси. Тоа ги потврдува условите под кои Софија може да го поддржи евроинтегративниот процес на РСМ. На 29 јуни бугарската влада ја одобри оваа одлука на бугарскиот парламент“, се вели во написот.
