Афшин Есмаил Гадерзадех, роден во Иран на 13 јули 2002 година, е новиот најнизок човек на светот, потврди Гинисовата книга на рекорди. Тој е висок 65,2 цантиметри, речиси 7 сантиметри помалку од претходниот носител на овој рекорд, 36-годишниот Едвард „Нињо“ Хернандез од Колумбија. Афшин е четвртиот најнизок човек на сите времиња, верификуван од Гинисовата книга на рекорди.
Дваесетгодишниот Иранец леташе во Дубаи за да ја прими титулата, откако претходно беа извршени официјалните мерења во период од 24 часа, кои дадоа најпрецизни податоци за неговата висина.
Додека престојуваше во Дубаи Афшин имаше прилика да посети кројач и бербер, пред да го заврши најомилениот дел од неговото патување – да ја посети највиоката зграда на светот Бурч Калифа.
