Џо Бајден, Доналд Трамп, Ненси Пелоси, Мич Меконел… едни од највлијателните политичари во САД се веќе во поодминати години. Но, тие немаат намера да престанат. Младите чувствуваат дека нивните проблеми и маки малку луѓе ги разбираат.
Пред четири години во американскиот Сенат се одржа бизарен дијалог. Сенаторот Орин Хеч од Јута, кој почина овој април, тогаш имаше 84 години и го испрашуваше шефот на Фејсбук, Марк Цукерберг на сослушување во Сенатот.
– Како го одржувате бизнис моделот кога клиентите не плаќаат за вашите услуги? – праша Хеч.
Цукерберг мораше да му го објасни она што речиси секое дете го знае: „Сенаторе, продаваме реклами“.
Таа дискусија често се наведува кога младите се жалат на просечната возраст на политичарите во САД. Критичарите велат дека тоа е повеќе геронтократија отколку демократија, пишува Дојче веле.
Сенаторите во просек имаат 63 години, конгресмените дури 58. За споредба, германскиот Бундестаг има просечна возраст од 47 години. И средната американска популација е 38 години.
Генерациите имаат различни проблеми
– Дефинитивно ни треба владино тело кое би го претставувало населението. Ни требаат млади луѓе во владата, со различно потекло, наставници, медицински сестри. И не секогаш едно исто – вели Максвел Алехандро Фрост (25), демократски кандидат за Конгресот од Флорида.
Всушност, Фрост е доволно стар за воопшто да се залага за Долниот дом. Кандидатите за сенатори мора да имаат најмалку 30 години.
Тоа значи дека триесет проценти од населението нема претставници на нивна возраст. И тоа има последици.
– Имаме проблеми што ги немаа нашите родители и нивните родители – изјави Фрост за мрежата НПР.
Но, најмоќните на младиот Фрост би можел да му бидат баба и дедо. Да речеме, водечката дама на демократите Ненси Пелоси, водечкиот републиканец Мич Меконел и секако претседателот Џо Бајден. Сите се на возраст од околу 80 години.
Фрост вели дека овие луѓе не треба да се ослободат поради нивната возраст, дека се искусни политичари. И тоа што е особено важно во американската политика, тие имаат многу врски преку кои наоѓаат донатори за политички кампањи.
Еден таков е републиканскиот сенатор Чак Гресли (88) од Ајова, кој повторува дека е полн со енергија и дека секое утро пешачи околу три километри. Во ноември има намера повторно да се кандидира, а постојат големи шанси повторно да биде избран.
Сомнежи за состојбата на Бајден
Долго време се шпекулира за претседателот Бајден и неговата состојба. Има многу демократи кои сметаат дека е подобро за две години да влезат во претседателската трка со друг кандидат. Во тоа се убедени со честите гафови на Бајден, кога не се сеќава на зборови или меша поими. Неодамна тој падна од велосипедот.
Но, се чини дека Бајден нема да се повлече. „Њујорк тајмс“ неодамна разговараше со педесет истакнати демократи кои сите сакаат Бајден да не се кандидира во 2024 година, кога ќе има 82 години.
– Да се биде претседател е незамисливо тешка задача – вели Дејвид Акселрод, менаџер на кампањата на поранешниот претседател Барак Обама, за весникот од Њујорк.
– Во случај Бајден да се кандидира, „тоа би било големо прашање“ – вели тој.
Некои анкети покажуваат дека мнозинството Американци се убедени дека актуелниот претседател не е доволно способен за таа функција и дека не треба да се кандидира. Неговиот навидум најголем ривал, Доналд Трамп, се смета за многу поважен. Но, и тој би имал 78 години за време на следните избори.
Сепак, колку и да се жалат критичарите и младите, се чини дека на многу гласачи не им пречи возраста. И тоа не е ни чудо: пензионерите се и најдисциплинираните гласачи во САД.
