Американскиот армиски лекар Џејми Ли Хенри (39) и неговата сопруга Ана Габриелиан (36), доктор по семејна медицина, се обвинети дека и дале информации на руската влада.
Како што пишува Би-Би-Си, мажот и жената се обвинети дека планирале да споделат доверливи информации за пациентите во воена болница.
Парот наводно му рекол на таен агент на ФБИ дека биле мотивирани од руски патриотизам за шпионажата. Адвокатите на американските сопружници се уште не го коментирале случајот, но ниту руските власти.
Жената наводно и понудила помош на руската амбасада
Во обвинението поднесено пред судот во Балтимор, Мериленд, се наведува дека парот е обвинет за заговор и откривање здравствени информации. Обвинителите рекоа дека двојката сакала да и помогне на руската влада да добие увид во здравствениот статус на поединци поврзани со американската влада и војска.
Во обвинението се наведува дека Хенри сакал да го искористи своето безбедносно одобрение за да добие пристап до приватните медицински досиеја од болницата во Форт Брег, голема воена база каде што работел.
Габриелиан е обвинета дека планирала да сподели информации од болницата Џон Хопкинс во Балтимор, каде што работела. Таа, наводно, пред неколку месеци и понудила помош на руската амбасада во Вашингтон, по руската инвазија на Украина.
Во средината на август ѝ пријде лице кое тврдеше дека работи за руската амбасада, но всушност беше агент на ФБИ. Во обвинението се наведува дека докторката за време на средбата рекла дека е мотивирана од руски патриотизам и дека сака да и пружи каква било помош на Русија „дури и да значи да биде отпуштена или да оди во затвор“.
Таа е обвинета дека му понудила на нејзиниот сопруг да се приклучи на заговорот и му кажала на агентот дека има пристап до медицински информации во базата и увид во тоа како САД ја обучувале војската да и помогне на Украина.
Тие би можеле да добијат 15 години затвор
На друг состанок подоцна истиот ден, Хенри наводно му рекол на агентот дека размислува да волонтира да се приклучи на руската војска.
Според обвинението, сопружниците планирале да им ја предадат медицинската документација на Русите за да ја докажат својата подготвеност да помогнат и дека ќе предадат тајни информации. Се вели дека Габриелиан му кажала на агентот дека нејзиниот сопруг може да сподели информации за тоа како американската војска поставува воени болници во воени услови и претходна американска обука за украинската војска.
Доколку бидат прогласени за виновни, сопружниците се соочуваат со најмногу пет години затвор за заговор и 10 години за секое обвинение за откривање здравствени информации.
Џејми Ли Хенри е првиот активен американски воен офицер кој излезе како трансрод. Во 2015 година, војската му даде дозвола официјално да ги промени името и полот. Во истата година, парот се венча
