Амбасадите на САД и Велика Британија во Босна и Херцеговина, Делегацијата на ЕУ и Мисијата на ОБСЕ ја поздравуваат одлуката на Централната изборна комисија да ги истражи извештаите за изборни нерегуларности во трката за претседател на РС и брзо да спроведе пребројување.
Во соопштението се нагласува дека ЦИК на БиХ ја исполнува својата одговорност кон граѓаните.
„Слободните и фер избори се основата на секоја демократија. Изборната измама е директен напад врз структурата на едно демократско општество. Целосно ја поддржуваме ЦИК и нивните овластувања да преземат какви било дополнителни мерки за одговорност за да се обезбеди интегритет и транспарентност на изборите. Ги повикуваме сите партии да ја почитуваат законската процедура додека ЦИК не заврши со пребројувањето“, се вели во заедничкото соопштение на овие институции.
Да потсетиме, Централната изборна комисија на Босна и Херцеговина на вчерашната итна седница донесе одлука за пребројување на гласовите за претседател на РС во седиштето во Сараево.
