Ѕвездата на Француската репрезентација направи проштална вечера за 250 гости во ресторанот „Gigi“, кој порано бил познат по името „Бела куќа“.
На вечерата биле неговите најдобри пријатели, колегите од Пари Сен Жермен, претседателот Насер Ал-Келаифи, но и претседателот на Франција, Емануел Макрон.
На Мбапе му остана да одигра само уште еден натпревар, и тоа финалето на Купот на Франција на 25-ти мај против Лион.
Сепак, вниманието на медиумите го привлече изјавата на неговата мајка Фајзе Ламари, која дала јасна индиција каде нејзиниот син ќе ја продолжи кариерата.
Кога била запрашана кој е неговиот иден клуб, таа само се насмеала: „Мислам дека сите тоа го знаете“.
Мбапе, како што со месеци наназад се најавува, кариерата ќе ја продолжи во Реал Мадрид.
