Американскиот актер Иан Зиринг (59), најпознат по улогата во хит серијата „Беверли Хилс 90210“, учествувал во улична тепачка со моторџиска банда во Лос Анџелес, пишува „Пејџ сикс“.
На видеото се гледа дека актерот во неговото возило го опколиле моторџии, а снимката стана вирална. Зиринг излегол од автомобилот и удрил еден од „моторџиите“.
Откако Зиринг удрил еден од нив, четворица мотоциклисти го опколиле и почнале да го тепаат. Подоцна актерот почнал да бега додека останатите од бандата го ловеле.
Не е познато што ја предизвикало тепачката, но според странските медиуми, се претпоставува дека е затоа што еден од возачите удрил во автомобилот на актерот.
На раскрсницата на булеварот Холивуд и авенијата Хајленд била повикана полиција за дојава за тепачка.
Направен е официјален извештај, во кој актерот е именуван како жртва. Полицијата се уште не ги уапсила напаѓачите и го истражува инцидентот.
