Неколку остри вртења и многу патници во автомобилот ќе се жалат на мачнина при движење, особено оние на задното седиште. Гадење се јавува од едноставна причина – движењата на телото и силите што делуваат на телото не се синхронизирани со она што го гледате.
Погледот на патникот е претежно насочен надвор од автомобилот, лево или десно, и не ја следи динамиката на кривините, односно ние како патници на задното седиште генерално гледаме странично, а не низ шофершајбната, пишува HAK Review.
Општо земено, очите и вестибуларниот апарат добиваат конфликтни информации за положбата на телото во просторот. На пример, на задното седиште на автомобилот, децата го гледаат потпирачот за глава на предното седиште и стабилен хоризонт пред него, но во исто време центарот за рамнотежа добива сигнал дека телото се движи. Поради оваа дисонанца помеѓу сетилата, се јавува гадење.
Децата на возраст од 6 до 12 години се почувствителни од возрасните, но дури и возрасните понекогаш чувствуваат гадење додека возат.
За да се избегне мачнина, единствено решение е возачите да успоруваат што повеќе во кривините, а патниците на задното седиште се трудат повеќе да гледаат низ шофершајбната, а помалку низ страничните стакла, пренесува N1 Загреб.
