Чеченскиот лидер и сојузник на Путин, Рамзан Кадиров, тврди дека руската војна во Украина е веќе добиена и дека Полска е следната.
Во неговото последно пропагандно видео објавено на социјалните мрежи, Кадиров рече дека планот е да премине во Полска по освојувањето на Киев.
„Плановите се грандиозни. Веќе развиваме план за демилитаризација на земјите од НАТО, а прва на ред по заземањето на Киев е Полска“, тврди Кадиров.
Се чини дека Кадиров се обидува да се спротивстави на извештаите за понижувачки неуспеси и опаѓање на моралот меѓу руските војници.
„Украина е веќе решено прашање. Заинтересиран сум за Полска“, рекол тој, пренесува Јутарњи лист.
Војниците на чеченскиот моќник во Украина, познати како Кадировови, се обвинети за некои од најужасните воени злосторства од инвазијата.
