Златан Ибрахимовиќ, шведски фудбалер со босански корени, пред неколку месеци објави нова автобиографија наречена Адреналин. Во книгата тој ја споменува и неговата мајка, која е родена во близина на хрватскиот град Задар.
Златан Ибрахимовиќ кој и на 40 години се уште игра фудбал на највисоко ниво, а неодамна го продолжи договорот со актуелниот италијански шампион Милан на уште една сезона, објави нова автобиографска книга со наслов Адреналин.
Во книгата тој ја споменува и неговата мајка Јурка Гавриќ, која е родена во Хрватска во селото Пркос, кое се наоѓа во задарската заднина.
„На мајка ми и купив стан во Хрватска, во близина на островот Паг, каде што живеат и нејзините сестри, за кој е многу приврзана, но со години не може да ги види. Поради војната и се останато. Мило ми е што е добро и среќна. Никогаш во животот ништо не барала од мене“, напиша шведскиот фудбалски играч за врска во својата автобиографија.
Тој додаде дека тоа го направил и од причина што неговите синови Максимилијан и Винсент можат да ја посетат својата баба и на тој начин да поминат многу драгоцено време со неа. „Сакам Макси и Винсент да одат кај неа сами, без мама и тато. Тие треба да научат независност. Затоа сакам да поминат малку време во Хрватска со нивната баба, која може многу да ги научи“, пишува тој во книгата на Ибрахимовиќ.
