Можеби најпознатиот хрватски играч на сите времиња имал тешко детство и несекојдневен животен пат. Чувајќи овци на планината Велеибит во село близу Задар, Лука Модриќ се сеќава на убавата природа во местото, сè додека еден ден војната не затропала на вратата. Поголемиот дел од детството фудбалерот го поминал во хотели, како бегалец, а фудбалот му бил начин да се оттргне од тешката реалност, пишува српски Курир.
Дедото на Модриќ бил убиен само на стотина метри од нивната куќа кога еден ден отишол со овците. Фамилијата слушнала истрел во планините и се посомневала. Татко му отрчал да го најде дедото, а се вратил со неговото тело до куќниот праг. Му рекол на малиот Модриќ да се збогува со него.
– Не бев спосоебн да се соочам со фактот дека тоа ќе биде последниот пат да го видам дедо ми. Срцето ми се крши секогаш кога мислам дека тој умира – ќе изјави подоцна Модриќ.
Бегајќи, фамилијата на Модриќ дознала дека нивната куќа била минирана и опожарена. Години подоцна, на првенството во Катар Хрватска го порази Бразил, а ќе се бори за бронза откако изгуби од Аргентина. Фантастична вест во фудбалскиот свет. Но, ако знаеме дека датумот на кој ќе се одигра финалето, 18 декември, е токму на годишнината од смртта на дедото на Модриќ, работите стануваат малку морничави.
По бегството од селото Костиќи (Модриќи) следеле осумте години во хотелска соба. Фудбалот бил вистинската работа за него.
– Лука беше срамежливо и резервирано момче, но со топката веднаш се менуваше. И ќе станеше жесток, неуморен, вистински борец. Лука неуморно играше фудбал во хотелот, особено во лобито – вели Славко Пернар, тогашниот директор на хотелот, кој подоцна го упатил момчето да игра за НК Задар.
Многу фанови добро знаат дека висината на Лука е 1,72 сантиметри, па поради тоа луѓето често го оспорувале неговиот успех. Тренирал во фудбалската школа Задар, а потоа неговиот талент го открил Томислав Башиќ кој верувал во него иако другите тврделе дека е физички слаб и дека за него нема иднина во спортот.
– Секогаш имаше многу скептицизам кон мене, кон моите квалитети, мојот стил на игра и мојот раст. Велеа дека сум премногу кревок за да постигнам големи резултати, но сите овие неволји не влијаеа на мене, само ме мотивираа уште повеќе. Луѓето им судат на другите луѓе, без тие да ги знаат, особено во нашево време со сите овие социјални мрежи и затоа веќе не ги читам, имам круг на блиски луѓе и се опкружувам со позитивни луѓе – изјавил во една прилика хрватскиот капитен кој денес благодарение на трудот и трудот ги ужива сите благодети на животот.
По осум години гушкање во хотелска соба со родителите и двете сестри, тој се преселил во Загреб, каде прво кратко време живеел во мала соба на стадионот на Динамо, со цимери и со соиграчи, а потоа клубот му дал стан на користење. Таму тој повторно ги делел својата соба, бања и кујна со соиграчите кои исто така дошле во Загреб од други места.
Освен што загрепскиот клуб му помогнал да создаде голема фудбалска кариера, Модриќ таму ја запознал и сопругата Вања. Двојката е во брак 11 години, а иако Лука е познат по тоа што приватниот живот го чува само за себе. Лука и Вања го имаат синот Иван и ќерките Софија и Ема.
Во 2008 година Лука се пресели во Тотенхем за сума од 21.000.000 евра, што беше рекорден трансфер за Тотенхем. Во летото 2012 година се пресели во Реал Мадрид за 35.000.000 евра. Со Реал досега има освоено четири Лиги на шампиони и Светски клупски првенства, три европски Суперкупа и еден шпански Суперкуп, две шпанска Примера и еден Копа дел Реј.
Лука стана првиот играч во историјата кој ја освоил Златната топка на Светското првенство, наградата на УЕФА за играч на годината и стана најдобар играч во светот во наградата на ФИФА за најдобар играч на годината за истата година.
