На истокот и југот на Украина денеска продолжуваат жестоките борби.
Од Киев велат дека секој мировен план, вклучително и кинескиот, мора да започне со повлекување на Русија од окупираните територии на Украина.
Секретарот на украинскиот Совет за национална безбедност и одбрана Алексеј Данилов изјави дека за успешно спроведување на кинескиот „мировен план“ неопходно е Москва да го врати „суверенитетот, независноста и територијалниот интегритет“ на Украина, пренесува Си-Ен-Ен.Шефот на дипломатијата на ЕУ, Јозеп Борељ денеска соопшти дека е постигнат договор за заедничка набавка на муниција за Украина.
Министрите за одбрана на земјите од ЕУ на почетокот на месецов привремено договорија план од две милијарди евра за набавка на артилериски гранати. Конечната одлука се очекува на маргините на состанокот на министрите за надворешни работи и одбрана на ЕУ во Брисел.
„Задачата за нас е затоа јасна – на Украина и е потребна нашата понатамошна поддршка за да може Украина да постигне мир. И многу е важно оваа одлука да биде донесена попладнево. Во спротивно, ќе ни биде тешко да продолжиме да ја снабдуваме Украина со оружје“, изјави германската министерка за одбрана Аналена Бербок.
