Маж од Германија е уапсен откако неговата сопруга по 12 години заробеништво била пронајдена во нивниот стан во Франција.Пронајдена е во спална соба затворена со метална жица, гола и со избричена глава, изјави за АФП извор од француската полиција, пренесува Би-би-си.
Нивниот стан се наоѓа на истокот на Франција, недалеку од границата со Германија.
Педесет и петгодишен маж е во притвор, а осомничен е за низа кривични дела – киднапирање, тешко силување и тортура.
Се верува дека 53-годишната Германка некако го пронашла телефонот и повикала полиција во Германија, која ги алармирала нејзините француски колеги, изјави полициски извор.
Таа била итно пренесена во болница со скршеници на двете нозе и прсти, а полицијата верува дека била мачена.
Мештаните за германски Билд изјавиле дека осомничениот им кажал дека неговата сопруга има рак и дека поради тоа „вреска од болка“.
