Цените на производите вртоглаво растат, а економскиот експерт Игор Гавран за N1 истакна дека истиот тренд може да се очекува и во наредниот период. Тој нагласува дека нема објективна причина за ова, но …
„Ако се поставува прашањето дали има реална основа во однос на конкретно зголемување на трошоците, не гледаме да се случува такво нешто. Но, ако ги погледнеме очекувањата научени од примерите на претходните трендови на цените кога тие се зголемуваа, а тогаш немаше основа, се плашам дека можеме да очекуваме натамошно продолжување на постепен пораст на цените. Не сите производи и услуги, но во многу случаи тоа може да се случи. Тоа и деновиве се случува со поскапувањето на пекарските производи, а реално оправдување нема. Претходно истото се случуваше и со други производи и услуги. И додека некој не го спречи со соодветни мерки, ќе продолжи“, изјави Гавран за N1.
Наведе и дека големите и успешни компании го користат токму тоа, а како оправдување наведуваат дека недостигот на работна сила се зголемува. Но, вистината, вели Гавран, е поинаква.
„Имаме ситуација кога во оние сектори каде што знаеме дека работниците се многу слабо платени и дека условите за работа се лоши, едно од вообичаените изговори за поскапување се зголемените трошоци за работна сила. Би било убаво да е така и навистина работникот да биде толку добро платен, да се зголемат цените поради тоа, но главно фокусот е на профитот. Најголем мотив за зголемување на цените не се зголемените трошоци и објективни причини и околности, туку желбата или да се одржи високиот профит или да се зголеми“, вели Гавран.
Струјата веќе поскапе, а во некои пекарници поскапеа и пекарските производи, кафето, чоколадото и другите производи.
