Бројот на загинати во силните земјотреси во Јапонија се искачи на 55, а надлежните екипи се уште вршат операции за пребарување и спасување.
Локалните медиуми јавуваат дека најмногу жртви имало во провинцијата Ишикава, која се наоѓа покрај брегот на островот Хоншу.
Многу луѓе се повредени како последица на земјотресот во префектурите Ишикава, Ниигата, Фукуи, Тојама и Гифу.
Јапонското Министерство за одбрана соопшти дека мобилизира заеднички копнени, воздушни и поморски сили и распоредува околу 10.000 војници во погодената провинција за операции за спасување, помош и поддршка.
Од вчерашните земјотреси уништени се многу куќи и патишта, а во прекин е и железничкиот сообраќај.Илјадници луѓе од крајбрежните региони беа евакуирани на побезбедни места.
Околу 400 патници се блокирани на аеродромот Ното во погодената провинција бидејќи земјотресите предизвикаа голема штета на зградата на терминалот и ги оставија пистата и патиштата неупотребливи. Сите се евакуирани по одредено време.
Автопатите се урнаа по земјотресот, а речиси 200 околни згради беа оштетени во пожарот што избувна во градот Ваџима на полуостровот Ното.
Беше наведено дека речиси 50.000 луѓе се евакуирани низ целиот регион.
Според јапонската Администрација за геопросторни информации, земјотресите можеби го поместија тлото во регионот Ното до 1,3 метри на запад.
Премиерот Фумио Кишида изјави дека пристапот до северните делови на полуостровот Ното е исклучително тежок.
„Како што одминува времето, влијанието на катастрофата станува се поочигледно. Спасувањето животи е трка со времето“, рече тој.
Три силни земјотреси со јачина од 5,7, 6,1 и 7,6 степени според Рихтеровата скала ја потресоа во понеделник Јапонија, предизвикувајќи предупредување за цунами.
