Земјотрес со јачина од 4 степени според Рихтеровата скала попладнево ја погоди Словенија. ЕМСЦ првично објави дека епицентарот бил во близина на хрватскиот град Риека, но потоа е утврдено дека епицентарот бил во Словенија на околу 20 километри северозападно од Риека.
Но, силниот потрес се почувствувал и во делови на Хрватска, посебно во Риека и во приморскиот дел на Истра.
Ова е втор земјотрес што денеска ја погоди Риека, а четврти во Хрватска во последните 52 часа. Во текот на попладневните часови е регистриран земјотрес со јачина од 2,4 степени, кој се случил на 28 километри североисточно од Риека, на длабочина од еден километар.Засега нема информации за штети.
