Јапонија издаде големо предупредување за цунами по земјотресот со јачина од 7,1 степени според Рихтеровата скала што го погоди централниот регион.
Од жителите на крајбрежната област Ното во префектурата Ишикава било побарано „веднаш да се евакуираат на повисоките места“, објави националната телевизија NHK, пренесе Би-Би-Си.
ЕМСЦ тврди дека јачината на земјотресот била 7,1 степени.
Јапонската метеоролошка агенција предупреди дека брановите во областа може да достигнат висина до 5 метри.
Властите исто така издадоа предупредувања за цунами за соседните префектури Ниигата и Тојама, предупредувајќи дека таму брановите би можеле да достигнат 3 метри.
Луѓето исто така објавија видеа од земјотресот од нивните домови и внатре во станиците на метрото.
Најголемиот оператор за нуклеарна енергија во земјата, Кансаи Електрик, рече дека нема „нема абнормалности“ во нуклеарните постројки во погодената област.
Метеоролошката агенција на Јужна Кореја предупреди дека брановите од цунами би можеле да го погодат источниот брег на земјата меѓу 18:29 и 19:17 часот по локално време.
