Земјотрес со јачина од 6,1 степени според Рихтеровата скала утрово го погоди оддалечениот дел од северозападниот кинески регион Ксинџијанг, а засега нема информации за поголема материјална штета или повредени, јави кинеската новинска агенција Ксинхуа.
Земјотресот ја погоди областа во 7:49 часот по локално време.
Според прелиминарните податоци на кинескиот центар за земјотреси, јачината на земјотресот била 6,1 степени.
Американскиот геолошки институт измери јачина од 5,7 степени. Кинеската државна телевизија CCTV прикажа снимка од луѓе кои се евакуираат од аеродромот во округот Шахе, при што висат светилки и се тресе земјата. Може да се види и персоналот кој врши проверка на поврзувачкиот дел од аеродромот.
Ксинџијанг е еден од сеизмички најчувствителните региони во Кина, а повеќето земјотреси беа во ретко населени области надвор од главните градови.
Не се пријавени прекини во локалната електрична мрежа, производството на нафта и гас или петрохемиските индустрии кај сеизмолозите и другите служби, соопшти Ксинхуа.
Најсмртоносниот земјотрес во Кина досега беше во 2008 година, со јачина од 7,9 степени; ја погоди провинцијата Сечуан, јужно од Ксинџијанг, убивајќи речиси 90.000 луѓе.
