Земјотрес со јачина од 4,4 степени според Рихтеровата скала рано утрово ја погоди Швајцарија, објавено е на веб-страницата на швајцарската сеизмолошка служба.
Земјотресот се случил во 2.34 часот, а епицентарот бил на длабочина од 10 километри, на 32 километри југоисточно од Цирих.
Швајцарската сеизмолошка служба наведува дека земјотресот најверојатно го почувствувале граѓаните низ целата земја, а тој можел да предизвика помали штети во близина на епицентарот.
