Ескалира ситуацијата на протестите на белгиските земјоделци кои денеска го окупираа Брисел. Земјоделците ги блокираа улиците со трактори и запалија купишта гуми пред седиштето на ЕУ барајќи повисоки цени на земјоделските производи, финансиска помош за зелената транзиција и прекин на договорите за слободна трговија, додека трае состанокот на министрите за земјоделство од цела ЕУ кои разговараат за кризата во овој сектор.
Околу 100 трактори утринава беа паркирани во „европскиот кварт“ во близина на европските институции, а во текот на денот им се приклучија уште неколку стотици. Блокадите на патиштата предизвикаа прекини во сообраќајот, поради што властите советуваат да се користи превоз со метро. Како што се разгореа тензиите, полицијата употреби водени топови за да ги растера демонстрантите кои прибегнаа кон палење гуми и фрлање димни бомби.
Полицијата пукаше со водени топови кон демонстрантите кои фрлаа шишиња и јајца, додека околу 900 трактори заглавија делови од Брисел, на кратко растојание од оградената област каде што се одвива состанокот на министрите за земјоделие од земјите на ЕУ.
