Апликацијата на Украина за членство во ЕУ може да биде одобрена за неколку месеци, изјави претседателот, Володимир Зеленски.
Тој рече дека разговарал со шефицата на Европската комисија, Урсула фон дер Лајен и оти очекува брз напредок во однос на барањето на Украина за брзо членство во ЕУ, пренесе Би-Би-Си.
Зеленски рече дека Фон дер Лајен „ветила дека ќе стори сé што е можно за да го забрза пристапот на Украина во ЕУ“.
– Ќе станеме полноправна членка на ЕУ. Бирократските процеси кои вообичаено траат со години ќе бидат забрзани и скратени – рече Зеленски.
