Претседателот на Украина, Володимир Зеленски синоќа изјави дека Киев не добил службено барање од Берлин за посетата на германскиот претседател Франк-Валтер Штајнмајер.
– Ние сме слободна земја. Можеме да си дозволиме… да бидеме меѓу оние кои вистински не поддржуваат, да бидеме меѓу вистинските пријатели – изјави Зеленски.
Штајнмаер пред два дена изјави дека планира да отпатува во Украина заедно со полскиот претседател и шефовите на балтичките држави, но дека Киев не го сака тоа.
Во изминатите неколку недели, Штајнмаер беше критикуван за неговите односи со Русија. Тој на почетокот од месецот изјави дека направил грешка со поддршката на гасоводот Северен поток 2 меѓу Русија и Германија.
