Севернокорејскиот лидер Ким Џонг Ун го затвори целиот северен град Хиесан откако исчезнаа 653 куршуми за време на неодамнешното воено повлекување.
Официјалните лица наизменично ги пребаруваат домовите во градот со околу 200.000 жители, изјавија два извори за Радио Слободна Азија, пишува Euroweeklynews.
„Градот ќе остане затворен додека не се пронајдат сите 653 куршуми“, изјави за RFA Korea анонимен жител на северната провинција Рајанганг, каде што се наоѓа градот Хјесан.
Муницијата за автоматската пушка снемала кога војниците на 7-от корпус на Корејската народна армија се повлекувале од областа околу градот, кој се наоѓа на границата со Кина.
Војниците беа стационирани таму во 2020 година поради затворањето на границата за време на пандемијата „Ковид-19“.
Кога се случил инцидентот, војниците прво не пријавиле, туку самите се обиделе да ги пронајдат исчезнатите куршуми. Но, кога не успеале да ги најдат исчезнатите куршуми, ги известиле жителите и почнале ригорозна потрага“, изјавил анонимниот извор.
Полицијата и војската започнаа истрага, го затворија градот и претресуваат куќа по куќа.
Тамошниот закон пропишува казна за принудна работа повеќе од три години за лицата кои поседуваат или пренесуваат муниција или оружје неовластено.
Жителите се загрижени дека доколку не се најде муниција, властите по случаен избор ќе казнат некој кој можеби е целосно невин, вели изворот.
