Централната изборна комисија (ЦИК) официјално ги започна подготовките за организирање вонредни избори на 23 април за градоначалниците на општините Северна Митровица, Лепосавиќ, Зубин Поток и Звечан, како и за вонредни избори за двете општински собранија на Звечан и Лепосавиќ, изјави портпаролот на ЦИК, Ваљмир Ељези.
„Од денеска, 9 март, почнуваат роковите за организирање вонредни избори за градоначалници на четири општини: Северна Митровица, Звечан, Лепосавиќ и Зубин Поток и вонредни избори за собранијата на две општини Звечан и Лепосавиќ. Сите овие активности се однесуваат на период од 45 дена, односно од денеска до денот на изборите“, рече тој.
За ЦИК ќе важи претходниот процес на сертифицирање на кандидатите за учество во изборниот процес, што е планирано да се одржи во текот на декември минатата година, рече тој, а она што треба да го направат политичките партии е да ги сертифицираат заверените кандидати.
Тој вели дека потврдата на кандидатите не е завршена, бидејќи ЦИК ќе овозможи пријавување и потврдување на кандидатите и политичките субјекти кои не се пријавиле во претходниот период.
„Централната изборна комисија во последните два месеца од 2022 година завери 11 кандидати за учество на изборите за градоначалник во која било од четирите општини и 63 кандидати за учество на изборите за две општински собранија. Овој процес ќе важи, што значи дека политичките субјекти ќе можат од 9 до 13 март да ги потврдат кандидатите заверени во ноември и декември претходната година. Во меѓувреме, ЦИК, покрај потврдувањето на заверените кандидатури, ќе прифаќа и нови апликации од политички партии, независни кандидати, граѓански иницијативи или коалиции. Тоа може да се направи во период од 10 дена, од 9 до 18 март“, додаде Ељези.
Со одлука на ЦИК до 24 март ќе се одлучува за прифаќање или отфрлање на сертификацијата на политичките субјекти и кандидати, додека изборната кампања е планирано да трае 18 дена, од 4 до 21 април.
Инаку, изборите на северот претходно беа закажани за 18 декември, откако еден месец претходно поднесоа оставки на градоначалниците на северните општини, но претседателката на Косово Вјоса Османи одлучи да ги одложи за 23 април 2023 година, поради можна проблеми за одржување на избори во тој период.
