Опасната и кусогледа политика на Вашингтон ги доведе САД и Русија на работ на директен конфликт, изјави портпаролката на руското Министерство за надворешни работи, Марија Захарова, пренесува ТАСС.
Захарова ја коментираше изјавата на портпаролот на американскиот Стејт департмент, Нед Прајс, кој рече дека Русија е виновна за влошувањето на американско-руските односи.
„Само напорите на САД да ја задржат американската хегемонија и игнорирањето на новата геополитичка реалност, како и арогантната неподготвеност да се вклучат во сериозен дијалог за безбедносните гаранции, доведоа до предвидлив резултат. По фијаското во Авганистан, САД беа вовлечени во нов конфликт. САД не само што финансиски и со оружје го поддржуваат неонацистичкиот режим во Киев, туку и го зголемуваат своето воено присуство на теренот. Ова е опасна и кратковидна политика што ги доведе САД и Русија на работ на директен конфликт. Москва ја повикува администрацијата на Бајден трезвено да ја процени ситуацијата. Се надеваме дека ќе не слушнат во Вашингтон, но засега нема причина за оптимизам“, рече Захарова и додаде дека Русија е заинтересирана за деескалација на тензиите и договор.
Таа додаде дека не се откажуваат од комуникацијата со САД на различни нивоа. ”
Но, за барем минимален напредок ни треба контра-движење, кое бара политичка волја, отвореност и волја за чесно преговарање. А токму тоа во моментов целосно му недостасува на Вашингтон“, рече Захарова.
