Неодамнешниот раст на цените на земјоделските производи во ЕУ нагло забави во вториот квартал од оваа година во споредба со истиот период минатата година, покажуваат податоците на Евростат.
Ова е прво намалување во земјоделството од четвртиот квартал на 2020 година, објави Евростат.„Последните податоци укажуваат на натамошно смирување на глобалниот земјоделски пазар по период на пореметување, кој се карактеризира со силен раст на земјоделските производи и цените на инпутите“, се вели во соопштението.
Просечната цена на производството на земјоделски производи во ЕУ порасна, се наведува, за два отсто, што е значително пониска стапка на раст во однос на претходниот квартал кога таа цена порасна за 17 отсто.
Агрумите (+89% во просек), маслиновото масло (+48%) и компирот (+38%) имаа најголеми поскапувања, а Еуростат наведува дека сушите се клучна причина за овие поскапувања.
„Од останатите производи треба да се истакне и силниот раст на цените на јајцата (+31%) и свињите (+28%). Наспроти ова, цените на житариците се намалени (-31%), додека цените на живината (+4%) и на млекото (-2%) останаа постабилни“, додава Еуростат.
Како што се наведува, просечната цена на стоките и услугите што моментално се користат во земјоделството во тој период се намалила за пет отсто, а овој пад се случил по забавувањето на растот на цените во претходниот квартал, иако тогаш тие се зголемиле за 11 отсто.
Еуростат, исто така, наведува дека, меѓу инпутите кои не се поврзани со инвестициите, најострите стапки на пад на цените се кај ѓубривата и подобрувачите на почвата (-23%), енергијата и мазива (-13%) и добиточната храна (-5%).
На национално ниво, пораст на цените на земјоделските производи во вториот квартал од 2023 година во однос на вториот квартал од 2022 година е забележан во седумнаесет од 27 земји-членки на ЕУ.
Најбрзи стапки на раст се забележани во Португалија (+22%), Грција (+21%) и Шпанија (+16%), во земјите каде сушата беше најизразена, додека највисок пад на цените беше забележан во Литванија (- 26%) и Естонија (-15%).
Кога станува збор за инпутите кои не се поврзани со инвестициите, најострите стапки на раст на просечните цени се забележани во Унгарија и Романија (и +6%), додека Литванија и Холандија забележаа највисоки стапки на пад (по 16%).
