Иако во некои претходни времиња пикот на потрошувачката на енергија беше во зимските месеци поради екстремен студ, во последните години сме сведоци дека врвовите се сосема спротивни, во летните месеци, пишува во петокот Вечерњи лист.
Климатските промени и развојот на технологијата доведоа до масовна дистрибуција на клима уреди, а кога на тоа ќе се додаде туристичкиот карактер на Хрватска во текот на летото со милиони дополнителни привремени жители – туристи, јасно е дека најголемата потрошувачка на стоки, а не само енергетските, се јавува токму во текот на јули и август.
Јули 2023 година ќе влезе во историјата како најтоплиот месец во последните 120.000 години, според Институтот за клима на ЕУ.
Поради екстремно високите температури во првата половина од месецот, користевме огромни количини електрична енергија за ладење. Како што истакнуваат од Здружението на обновливи извори на енергија на Хрватска, на 17 јули во периодот од 14 до 15 часот во Хрватска е забележан годинешниот рекорд во потрошувачка на електрична енергија кој изнесува 3167 MWh.
Според OIEH, ова е највисокиот рекорд на потрошувачка за еден час откако има мерења со софистицирана опрема. Апсолутниот рекорд за еден час се однесуваше и на најголемото оптоварување на системот, пишува новинарот на Вечерњи лист, Дарко Бичак.
