Лебот, маслото и брашното тип 400 од денеска ќе се продаваат по набавна цена, додека за другите основни прехранбени производи се намалува маржата на 4 проценти во трговијата на голема и на три проценти во трговијата на мало.
Одлуката за посебни услови за трговијата на одделни стоки веќе е објавена во Службен весник и ќе важи до 31 мај.
Од Министерството за економија информираат дека како времена мерка се забранува и извоз на масло, а постои можност тоа да се случи и со брашното, пченката и со пченицата. Проценките се дека во периодот од 1 до 8 март од државава се извезени 330 тони масло.
Фото: Unsplash
