Претседателот на Србија, Александар Вучиќ, денеска во Пекинг разговараше со претседателот на Националниот комитет на Кина, Ванг Хунинг и истакна дека во Кина се чувствува како дома.
„Ви благодариме за гостопримството и исклучителниот дочек. Во Кина навистина се чувствувам како дома. Како и последниот пат кога се сретнавме, така и овој пат ќе можам да научам многу од тебе“, напиша Вучиќ на Инстаграм.
Тој додаде дека особено се радува на средбата со претседателот на Кина, Си Џинпинг, бидејќи тоа е можност да ја изрази својата благодарност не само за пријателството, туку и за поддршката што Кина и ја дава на српската страна на секое ниво.
